. انا عايزة اشتغل برا السودان ف دول عربيه زي الخليج ومصر وكدا ولكن طبعا زي م عارفه السودان محظور من طرق الدفع العالميه زي بايبال وبايونير وكدا وتعبت وانا بحاول عديل ف طريقه لتحويل الاموال ف النهايه لقيت منصه رقميه سودانيه زي شركه يعني قانونيه شفتها في موقعهم وف الزكاء الاصطناعي حتى كاتبين رقم تسجيل الشركه الرسمي والمهم هي زي وسيط بين العميل الفي الخليج مثلا وانا البائع عشان هدفها اصلا تساعد البمستقلين السودانيين زينا كدا انهم عادي يقدرو يشتغلو برا بدون حظر الدولي المالي ده اها وطلعو اذا مثلا بعت تصميم بي 50 دولار مثلا المنصه بستلمو منه بالدولار بس بتحولو لمحفظتي في المنصه بالدولار الرقمي USDT وهو تماما يساوي الدولار التقليدي الورقي ينزل بنزوله ويصعد بصعوده وتطبق عليه قوانين الصرف المعتمده عندهم زي ما كاتبين واذا عايزه بعدين احولهم للجنيه السوداني بنزلو في تطبيق بنكك او غيرو بالجنيه وبنفس سعر الجنيه بالنسبه للدولار السؤال هل ممكن بما انو علمت انه العمله دي ثابته وقيمتها زي الدولار الرسلو العميل اتعامل بيها؟ لانو انا بتزكر كنت ببحث عن التعامل بالبيتكوين والكربيتو(العملات الرقميه المشفرة) وطلع فيها جدل كبير فتركتها تحسبا بس لقيت المنصه دي و شكلها امنه وقانونيه م دام دولارها الرقمي يساوي الحقيقي تماما +الموقع عندو عمولات زي البنوك بخصمها مقابل خدمه التحويل مثلا اذا عندي 2 دولار والدولار الواحد يساوي 1000 جنيه مثلا يتحول لي 2000 جنيه سوداني وفيه خصم عموله للشركه عشان خدمه التحويل يمكن 15 جنيه او زي كدا زي بنوكنا هنا